یمنیٰ کیساتھ رومانوی سین کی فرمائش پر وہاج علی نے فینز کو کیا جواب دیا؟
Jul 31 2024 | ویب ڈیسک
امریکا میں ہونے والی ایک تقریب کے دوران اداکار وہاج علی نے یمنیٰ زیدی سے رومانوی سین کی فرمائش کرنے والے مداحوں کو ایسا جواب دیا کہ ہال قہقہوں سے گونج اٹھا۔
جیو انٹرٹینمنٹ کے مشہور ڈارمے تیرے بن میں مرکزی کردار نبھانے والے وہاج علی اور یمنیٰ زیدی ان دنوں اپنے فیز سے ملاقات کرنے امریکا گئے ہوئے ہیں جہاں وہ مداحوں سے ملنے کیلئے مختلف شہر اور ریاستوں کا دورہ کررہے ہیں۔
'میٹ اینڈ گریٹ' کی تقریب میں ایک فین نے وہاج علی سے سوال کرتے ہوئے کہا کہ 'سر تھوڑا سا رومانس ہوجائے؟' اس کے ساتھ ہی خاتون مداح کی آواز آتی ہے کہ' یمنیٰ کے ساتھ'۔
جس پر وہاج علی نے مسکراتے ہوئے جواب دیا کہ آپ کیا چاہتے ہیں میں گھر واپس نہیں جاؤں؟
اداکار کا یہ جواب سن کے تقریب قہقہوں سے گونج اٹھی اور اداکار کا یہ کلپ سوشل میڈیا پر بھی وائرل ہوگیا۔
واضح رہے وہاج علی نے 2016 میں ثنا فاروق سے پسند کی شادی کی ہے اور جوڑے کی ایک بیٹی امیرہ وہاج علی ہے۔
Views= (747)
Join on Whatsapp 1 2