اربوں ڈالرز کی کمی، ریٹنگ بڑھانے کے لیے ایلون مسک کا زکربرگ کو چیلنج

Jul 26 2024 | ویب ڈیسک

ٹیسلا اور اسپیس ایکس کے بانی ایلون مسک کی دولت میں ایک دن میں اکیس ارب ستر کروڑ ڈالرز سے زائد کی کمی واقعہ ہوئی ہے۔
بلومبرگ کی رپورٹ کے مطابق چوبیس جولائی کو ٹیسلا کے شیئرز کی قیمتوں میں گیارہ فیصد کمی ہوئی، اپریل سے جون کے دوران ٹیسلا کے منافع میں پنتالیس فیصد کمی آئی. جس کے بعد ایلون مسک نے اپنی ریٹنگ بڑھانے کے لیے ایک بار پھر فیس بک کے بانی مارک زکربرگ سے دو دو ہاتھ کرنے کو کہہ دیا۔
میڈیا رپورٹس کے مطابق ایلون مسک کو امریکی ایوان نمائندگان میں اسرائیلی وزیر اعظم نیتن یاہو کے خطاب میں شرکت کیلیے مدعو کیا گیا تھا جہاں انہوں نے میڈیا سے بات کی۔
ایلون مسک نے کہا کہ وہ مارک زکربرگ سے کسی بھی وقت، کسی بھی جگہ اور کسی بھی اصول کے تحت لڑائی کرنے کے لیے تیار ہیں۔
ایلون مسک کا بیان جیسے ہی سوشل میڈیا پر وائرل ہوا تو ان کے حریف میٹا کے سربراہ مارک زکربرگ بھی خاموش نہ رہ سکے اور انہیں جواب دے ڈالا۔
سوشل میڈیا پر پلیٹ فارم تھریڈز پر ایک صارف نے ایلون مسک کا بیان شیئر کیا تو مارک زکربرگ نے کمنٹ میں لکھا کہ کیا ہم یہ دوبارہ کرنے والے ہیں۔
خیال رہے اس سے قبل بھی خبریں زیر گردش رہی ہیں کہ ایلون مسک اور مارک زکربرگ ایک دوسرے کے ساتھ ریسلنگ میچ کی تیاری کرچکے تھے مگر وہ میچ نہ ہوسکا۔

Views= (502)