’خودکشی اگر جائز ہوتی تو‘، پاکستانی ٹک ٹاکر فاطمہ جعفری کی پوسٹ وائرل
Jul 25 2024 | ویب ڈیسک
پاکستان کی معروف کانٹینٹ کرئیٹر فاطمہ جعفریہ کی حالیہ پوسٹ نے مداحوں کو غمزدہ کر دیا۔
خیال رہے فاطمہ جعفری نے اس سے قبل اپنے سوشل میڈیا اکاؤنٹ پر اپنے پوسٹ پارٹم ڈپریشن سے متعلق انکشاف کیا تھا جس پر مداحوں نے ان کے ساتھ ہمدردی کا اظہار کیا تھا۔
وہیں اب فاطمہ جعفری کی جانب سے فوٹو اینڈ ویڈیو شئیرنگ ایپلیکیشن انسٹاگرام پر ایک اسٹوری پوسٹ کی گئی ہے جس میں انہوں نے اپنے مداحوں سے سوال پوچھا۔
کانٹینٹ کرئیٹر فاطمہ جعفری نے سوال کیا کہ ’سب سے سوال ہے، اگر خود کشی حرام نہ ہوتی تو کون زندہ نہیں ہوتا؟‘
پھر اپنے سوال کے نیچے انہوں نے اپنے بارے میں خود ہی جواب دیتے ہوئے لکھا کہ ’میں تو مرحوم ہوچکی ہوتی۔‘
فاطمہ جعفری کی مذکورہ پوسٹ دیکھ کر سوشل میڈیا صارفین پریشان ہوگئے۔
واضح رہے ٹک ٹاکر فاطمہ جعفری نے سال 2022 میں کانٹینٹ کرئیٹر شبر عباس سے شادی کی تھی۔ دونوں کے درمیان علیحدگی کی خبریں بھی زیر گردش ہیں۔
Views= (419)
Join on Whatsapp 1 2