کراچی میں نجی اسکول کے پرنسپل کی میٹرک کی طالبہ کے ساتھ زیادتی کی کوشش
Jun 10 2024 | ویب ڈیسک
کراچی کے علاقہ اورنگی ٹائون میں نجی اسکول پرنسپل کی مبینہ طور پر میٹرک کی طالبہ کے ساتھ زیادتی کی کوشش کی ہے۔
اقبال مارکیٹ پولیس نے متاثرہ طالبہ کی بہن کی مدعیت میں مقدمہ درج کر کے پرنسپل کو گرفتار کرلیا۔ پولیس کے مطابق مقدمہ الزام نمبر 173/24 ذیادتی کی کوشش، تشدد اور دیگر دفعات کے تحت درج کیا گیا ہے۔
متن ایف آئی آر کے مطابق پہلے سکول پرنسپل نے موبائل فون پر فحش پیغامات بھیجے، یکم جون کو اپنے روم میں بلوا کر تشدد کیا اور میٹرک کے امتحانات میں فیل کروانے کی دھمکی بھی دی۔
متن ایف آئی آر کے مطابق طالبہ جیسے ہی پرنسپل کے روم میں گئی اس نے سی سی ٹی وی کیمرے کا رخ چھت کی طرف کر دیا تھا، دست درازی کے دوران پرنسپل کے پیٹ پر لات مار کر متاثرہ لڑکی کمرے سے نکلنے میں کامیاب ہوئی۔
ایف آئی آر کے مطابق طالبہ پرنسپل کے تشدد اور دھمکیوں سے خوفزدہ تھی جس کے باعث فوری کچھ نہ بتایا۔ پولیس نے ملزم کو گرفتار کر کے تفتیش شروع کر دی ہے۔
Views= (840)
Join on Whatsapp 1 2