سناکشی سنہا کی مسلمان لڑکے سے شادی کو خفیہ کیوں رکھا ہے؟

Jun 10 2024 | ویب ڈیسک

سناکشی سنہا کی مسلمان نوجوان سے شادی کی خبروں نے بھارتی میڈیا کی توجہ حاصل کر لی ہے، جبکہ ان کے شادی کے کارڈ کے حوالے سے بھی افواہیں زور پکڑ رہی ہیں۔
بھارتی میڈیا کے مطابق اداکارہ سناکشی سنہا اپنے ساتھی اداکار ظہیر اقبال سے شادی کے بندھن میں بندھنے جا رہی ہیں۔
انڈیا ٹوڈے کی رپورٹ میں دعویٰ کیا جا رہا ہے کہ اداکارہ کی شادی 23 جون کو ممبئی میں ہونے جا رہی ہے۔
بھارتی میڈیا کی جانب سے اداکارہ اور ظہیر اقبال کے حوالے سے اس سے قبل بھی خبریں دی جا رہی تھیں، جبکہ کہا جا رہا تھا کہ سناکشی سنہا اور ظہیر اقبال کافی قریب ہو گئے ہیں۔
تاہم دونوں نے اس حوالے سے میڈیا سے دوری اختیار کی ہوئی ہے، کسی بھی خبر کو شئیر کرنے سے گریزاں ہیں، واضح رہے اس سے قبل ظہیر کی جانب سے گزشتہ ماہ سناکشی سنہا کی سالگرہ کے موقع پر انہیں مبارکباد بھی دی گئی تھی۔
جس میں ظہیر اقبال کا کہنا تھا کہ ’سالگرہ مبارک ہو، سونز‘ جبکہ بھارتی میڈیا کی جانب سے شادی میں مدعو مہمانوں کے حوالے سے بھی دعویٰ کیا جا رہا ہے۔
انڈیا ٹوڈے کے مطابق شادی کی تقریب محدود رکھی گئی ہے، جس میں قریبی خاندان شامل ہوگا جبکہ ہیرامنڈی کی پوری کاسٹ کو بھی شامل کیا گیا ہے۔
دوسری جانب بھارتی میڈیا کی رپورٹ میں بتایا گیا ہے کہ شادی کا مقام ممبئی کا بستیاں کا علاقہ ہے، جبکہ مہمانوں سے درخواست کی گئی ہے کہ شادی کے دن فارمل ڈریسنگ کر کے آئیں۔
واضح رہے اس سے قبل ’دی گریٹ کپل شرما شو‘ میں کپل شرما کی جانب سے اداکارہ سے شادی سے متعلق سوال کیا گیا تھا۔
جس پر اداکارہ کا کہنا تھا کہ ’کیوں جلے پر نمک چھڑک رہے ہو‘، ساتھ ہی اداکارہ نے اس خواہش کا بھی اظہار کیا کہ وہ شادی کرنے کے لیے بےتاب ہیں۔
سناکشی سنہا کی ظہیر اقبال سے ملاقات سلمان خان کے ذریعے ہوئی تھی، جس کے بعد سے دونوں کے درمیان دوستی مزید گہری ہو گئی ہے۔ ظہیر اقبال نے سلمان خان کی پروڈیوس کردہ فلم ’نوٹ بُک‘ میں کردار ادا کیا ہے۔

Views= (597)