کینیڈا میں بس اسٹاپ پر کھڑی بھارتی طالبہ فائرنگ سے ہلاک
Apr 20 2025 | ویب ڈیسک
کینیڈا میں بس اسٹاپ پر کھڑی بھارتی طالبہ نامعلوم افراد کی فائرنگ کا نشانہ بن کر چل بسی۔
بھارتی میڈیا رپورٹس کے مطابق 21 سالہ ہرسمرت رندھاوا نامی طالبہ اسٹاپ پر کھڑی بس کا انتظار کر رہی تھی کہ اس دوران ایک کار سوار نے فائرنگ کر دی۔
رپورٹ کے مطابق ہرسمرت رندھاوا اونٹاریو کے موہاک کالج کی طالبہ تھی۔
پولیس نے واقعے میں طالبہ کی موت کو اندھی گولی کا نتیجہ اور اسے بے گناہ راہ گیر قرار دیا ہے۔
بھارتی قونصلیٹ نے بتایا کہ 2 کار سواروں کے درمیان فائرنگ کا تبادلہ ہوا تھا جس کی زد میں طالبہ آگئی۔
اس موقع پر طالبہ کو سینے میں گولی لگی جس کے بعد اسے فوری طور پر اسپتال منتقل کیا گیا جہاں اس کی موت کی تصدیق ہوئی۔ اس حوالے سے مزید تحقیقات جاری ہیں۔
Views= (330)
Join on Whatsapp 1 2