کراچی: نشے میں دھت ایس آئی او کی خاتون سے بدتمیزی
Sep 19 2024 |
کراچی میں ایس آئی او نے انتہا کردی اسلحہ کیس میں گرفتار ملزم کی ماں کو پیسے لے کر تھانے بلوایا اور نشے کی حالت میں خاتون سے بدتمیزی کی خاتون کا ویڈیو سامنے آیا تو ڈی آئی جی ساؤتھ نے ایس آئی او کو معطل کر دیا ۔
خاتون سےبدتمیزی کا واقعہ سول لائن تھانے میں پیش آیا۔ سول لائن انوسٹی گیشن ایس آئی او عبدالرشید نے آپریشن پولیس کے ہاتھوں گرفتار ملزم پر تشدد کیا ، ملزم کی والدہ کو فون کرکے بیٹے کی چیخ وپکار سنائی اور تھانہ پیسے لانے کاکہا گیا ۔
ملزم کی والدہ تھانہ پہنچی تو ایس آئی او عبدالرشید پہلے ہی شراب کے نشے میں دھت اور ملزم کی ماں کاہاتھ پکڑ کرموڑ دیا، ملزم کی ماں پر تشدد اور کپڑے پھاڑ دیئے، ملزم کی ماں نے چیخ وپکار کی تو پولیس اہلکار ایس آئی او کے کمرے میں پہنچے، ملزم کی ماں خود کوبچاتے ہوئے تھانہ سے باہر نکل آئی۔
ڈی آئی جی ساؤتھ نے واقعہ کا نوٹس لیتے ہوئے ایس آئی او کو معطل کرکے انکوائری شروع کردی ہے۔
Views= (515)
Join on Whatsapp 1 2