تاریخ کی مختصر ترین شادی، جوڑے کے درمیان صرف تین منٹ میں طلاق
Jul 24 2024 | ویب ڈیسک
دنیا کی مختصر ترین شادی نے سوشل میڈیا صارفین کو حیرت میں مبتلا کر دیا۔
کویت میں ایک جوڑے کی شادی کو پانچ منٹ بھی نہیں گزرے تھے، نکاح کے صرف 3 منٹ گزرنے کے بعد جوڑے کے درمیان طلاق ہوگئی۔
یہ ملک کی تاریخ کی مختصر ترین شادی بتائی جاتی ہے۔
میڈیا رپورٹس کے مطابق نئے شادی شدہ جوڑے کے درمیان طلاق کی وجہ یہ سامنے آئی کہ شوہر نے شادی کی تقریب سے نکلتے وقت دلہن کا مذاق اُڑایا۔
شادی عدالت میں انجام دی گئی، جب نکاح کے بعد جوڑا عدالت سے باہر جانے کے لیے نکلا تو دلہن پھسل گئی۔ دلہے نے اسے گرنے پر ’بیوقوف‘ کہہ دیا۔ یہ سن کر خاتون غصے میں آگئی وہ جج کے پاس واپس گئی اور شادی ختم کر کے طلاق کی درخواست کر دی۔
جج نے درخواست سن کر شادی کے صرف تین منٹ بعد جوڑے میں علیحدگی کے احکامات جاری کر دیئے۔
Views= (1017)
Join on Whatsapp 1 2