لڑکے میسیجز کرکے پیش کش کرتے ہیں، سبینا فاروق کی وڈیو وائرل

لڑکے میسیجز کرکے پیش کش کرتے ہیں، سبینا فاروق

Apr 10 2025 | ویب ڈیسک

اداکارہ سبینا فاروق نے حال ہی میں انسٹاگرام اسٹوری میں ایک مختصر ویڈیو شیئر کرتے ہوئے انکشاف کیا ہے کہ انہیں بہت سارے لڑکے میسیجز کرکے مختلف طرح کی پیش کش کرتے ہیں۔
اداکارہ نے اسٹوری میں مختصر ویڈیو شیئر کی، جسے دیگر سوشل میڈیا پلیٹ فارمز کی جانب سے بھی شیئر کیا گیا اور ان کی ویڈیو وائرل ہوگئی، جس پر صارفین نے بھی دلچسپ تبصرے کیے۔
اداکارہ کا ویڈیو میں کہنا تھا کہ ان سمیت دیگر اداکاراؤں کو لگتا ہے کہ آدھا پاکستان ان کے نخرے اٹھانے کے لیے تیار رہتا ہے، اس لیے بھی وہ کسی مرد کے ساتھ تعلقات نہیں بناتیں۔
ان کے مطابق انہوں نے انسٹاگرام پر ایک عام سی اسٹوری لگائی، جس میں وہ اپنی چوڑیاں اتارتی دکھائی دیں، جس کے بعد بہت سارے لڑکوں نے انہیں میسیجز کیے۔
سبینا فاروق نے معصومانہ انداز میں کہا کہ وہ ڈائریکٹ میسیجز (ڈی ایمز) دیکھتی اور پڑھتی ہیں، انہیں معلوم ہو رہا ہے کہ لڑکے ان کے بارے میں کیا سوچتے اور کیا کہتے ہیں۔
اداکارہ کا کہنا تھا کہ لڑکوں کی ایسی حرکت کی وجہ سے ان جیسی بہت ساری اداکاراؤں کو غلط فہمی رہتی ہے کہ آدھا پاکستان تو ویسے ہی ان کے نخرے اٹھانے کو تیار ہے تو وہ کیوں کسی لڑکے کے ساتھ محبت کریں یا تعلقات استوار کریں؟
انہوں نے کہا کہ ان کی جانب سے چوڑیاں اتارتے وقت انہیں ایک چوڑی لگ گئی اور ان کا تھوڑا سا خون نکلا تو آدھے پاکستان کی جان نکل گئی اور لڑکوں نے میسیجز بھیجنا شروع کردیے۔
سبینا فارق کے مطابق لڑکوں نے میسیجز کیے کہ وہ ان کی پٹی کردیں، وہ انہیں ڈاکٹر کے پاس لے جانے کے لیے ان کے گھر آجائیں، وغیرہ۔
اداکارہ نے کہا کہ لڑکوں کی ایسی حرکتوں اور ایسے میسیجز کی وجہ سے ان جیسی دوسری اداکارائیں کسی سے تعلقات اور محبت نہیں کر پا رہیں۔
ساتھ ہی انہوں نے میسیجز بھیج کر پیش کش کرنے والوں کو کہا کہ وہ انہیں ایسے میسیجز نہ بھیجیں، وہ کسی کے ایسے میسیج پڑھ کر ان کے ساتھ سیٹ نہیں ہونے والی۔
سبینا فاروق کی ویڈیو وائرل ہوگئی اور صارفین نے اس پر دلچسپ تبصرے کرتے ہوئے مزاحیہ تبصرے بھی کیے کہ ان سمیت دیگر اداکاراؤں کو بہت بڑی اور اچھی غلط فہمی ہوتی ہے کہ آدھا پاکستان ان کے نخرے اٹھانے کو تیار ہے۔