نیو ائیر نائٹ پر ڈی آئی جی کے بیٹے نے خاتون کو کچل دیا

Jan 1 2025 | ویب ڈیسک

کراچی میں ڈی آئی جی کے بیٹے نے نیو ائیر نائٹ پر تیز رفتاری کے باعث خاتون کو کچل دیا۔
کاتون کو کچلنے کا واقعہ گارڈن کے علاقے میں پیش آیا، ڈبل کیبن گاڑی میں سوار گرفتار شخص ڈی آئی جی کا بیٹا بتایا جاتا ہے، پولیس نے گاڑی تحویل میں لے لی ہے۔
پولیس کا کہنا ہے کہ ڈی آئی جی کے بیٹے کوحراست میں لیا ہے، جبکہ خاتون کو شدید زخمی حالت میں اسپتال منتقل کیا گیا ہے۔
دریں اثنا ءکراچی میں نشے میں دھت ٹریفک پولیس افسر کی گاڑی کی ٹکر سے پک اپ ڈرائیور جاں بحق ہوگیا، حکام کا کہنا ہے کہ حادثے میں ملوث ایس او ٹریفک کو گرفتار کرکے معطل کردیا گیا ہے۔
ٹریفک پولیس افسر شاہد ہنگورو کے خلاف کلفٹن تھانے میں مقدمہ درج کیا گیا۔
پولیس کے مطابق کے پی ٹی انڈر پاس میں گزشتہ رات حادثہ پیش آیا تھا، ٹریفک حادثے میں ایوب نامی شہری جان کی بازی ہار گیا
ٹریفک پولیس حکام کے مطابق حادثے میں ملوث ایس او ٹریفک شاہد ہنگورو کو گرفتار کرکے معطل کردیا گیا ہے۔
تیز رفتار گاڑی چلانے والے ایس او شاہد ہنگورو نے سوزوکی کو عقب سے ٹکرماری، عینی شاہدین کے مطابق ٹریفک پولیس افسر ایس او شاہد ہنگورو نشے میں تھا۔
جاں بحق ڈرائیور کے بھتیجے ارباب نے بتایا کہ میرے چچا سوزوکی میں سوار ہوکر صدر کی جانب سے کے پی ٹی انڈر پاس کی طرف آرہے تھے کہ عقب سےآنے والے گاڑی میں سوار شاہد ہنگورو نے سوزوکی کو ٹکر ماری، چچا جناح اسپتال میں دوران علاج دم توڑ گئے۔

thanks for reading

Views= (620)