عمران خان مؤقف پر قائم، اڈیالہ جیل سے فیصل چوہدری کے ذریعے اہم پیغام جاری
Dec 16 2024 | ویب ڈیسک
خیبر پختونخوا کے مشیر اطلاعات بیرسٹر ڈاکٹر سیف نے کہا ہے کہ عدالتی حکم کے باوجود وزیراعلیٰ گنڈاپور کو بانی پی ٹی آئی سے ملاقات سے روکنا توہین عدالت ہے۔
مشیر اطلاعات کے پی نے کہا کہ صوبے کے چیف ایگزیکٹیو کو ڈپٹی سپرینڈنٹ جیل نے بتایا کہ آپ کو عمران خان سے ملنے کی اجازت نہیں ہے۔
ان کا کہنا ہے کہ 26 ویں ترمیم کے بعد جعلی حکومت عدالتی احکامات کی دھجیاں اڑا رہی ہے، وزیراعلیٰ کی تضحیک پورے صوبے کی تضحیک ہے۔
انہوں نے کہا کہ جعلی حکومت صوبائی منافرت کو ہوا دے رہی ہے، گنڈا پور فارم 45 کے وزیراعلی ہیں، لیکن فارم 47 کی جعلی وزیراعلیٰ مریم نواز کے حکم پر وزیراعلیٰ کے پی کی تضحیک کی جا رہی ہے۔
مشیر اطلاعات خیبر پختونخوا بیرسٹر ڈاکٹر سیف نے حکم عدولی پردوبارہ عدالت سے رجوع کرنے کا عندیہ دے دیا۔
Views= (342)
Join on Whatsapp 1 2