راکھی ساونت نے سلمان خان کے لیے پاکستانی دلہن چن لی

بھارتی اداکارہ راکھی ساونت کی پاکستانی بہو بننے کی خواہش تو ابھی تک ادھوری ہے، لیکن انہوں نے اپنے منہ بولے بھائی سلمان خان کے لیے پاکستان سے دلہن چن لی ہے۔ سوشل میڈیا پر راکھی ساونت کی ایک ویڈیو کا کلپ تیزی سے وائرل ہو رہا ہے جس نے انہیں ایک بار پھر خبروں کا مرکز بنا دیا ہے۔ ویڈیو میں راکھی نے پاکستان کی معروف اداکارہ ہانیہ عامر کو سلمان خان کے لیے پسند کیا ہے۔ راکھی ساونت نے ویڈیو میں سلمان خان کو مخاطب کرتے ہوئے کہا کہ، سلمان بھائی، میں نے تمھارے لیے ہانیہ عامر کو منتخب کر لیا ہے۔ ہانیہ میری پاکستانی بھابھی ہیں اور وہ تمھارے لیے بہترین شریک حیات ثابت ہوں گی۔ انہوں نے مزید کہا کہ ہانیہ عامر بالی وڈ میں قدم رکھیں اور سلمان خان کے ساتھ کام کریں۔ راکھی نے ہانیہ کو ایک پیغام بھی دیا کہ وہ دبئی آئیں، جہاں وہ ان کے لیے سلمان خان سے بات کریں گی۔ اس کے ساتھ ہی راکھی ساونت نے یہ بھی کہا کہ شکر ہے بالی وڈ نے ہانیہ عامر کی صلاحیتوں کو سراہا ہے اور اب وہ معروف گلوکار دلجیت دوسانجھ کے ساتھ کام کر رہی ہیں، جس سے یہ ثابت ہوتا ہے کہ ہانیہ کا مستقبل بھارت میں بھی روشن ہے۔
-

Views= (243)

Join on Whatsapp 1 2

تازہ ترین