اسلام آباد کے تعلیمی ادارے میں منشیات سپلائی کرنے والے ملزم رنگے ہاتھوں گرفتار
May 8 2024 | ویب ڈیسک
تعلیمی اداروں میں منشیات کی سپلائی میں ملوث خاتون سمیت دو ملزم رنگے ہاتھوں گرفتار کرلیے گئے۔ ملزمان اسلام آباد کے ایک بڑے تعلیمی ادارے میں منشیات سپلائی کر رہے تھے۔
اے این ایف حکام کے مطابق خفیہ اطلاع پر خاتون کو تعلیمی ادارے کے گیٹ سے منشیات سمیت گرفتار کیا گیا۔ ملزمہ کے ساتھ گرفتار ملزم تعلیمی ادارے کی کینٹین میں ملازمت کرتا ہے۔
گرفتار ملزم کے کمرے کی تلاشی کے دوران چرس، افیون اور آئس کے مزید ٹوکن برآمد ہوئے۔ تحقیقات کے مطابق ملزمہ پشاور سے منشیات اسمگل کرکے ملزم تک پہچاتی تھی۔ ملزمان نے یونیورسٹی کے طلبہ کو منشیات فروخت کرنے کا اعتراف کیا۔
اینٹی نارکوٹکس فورس کے ترجمان نے بتایا کہ ملزمہ کا تعلق نوشہرہ اور ملزم کا تعلق مانسہرہ سے ہے۔ ملزمان کے خلاف انسدادِ منشیات ایکٹ کے تحت مقدمہ درج کر کے مزید تحقیقات آغاز کر دیا گیا ہے۔
Views= (148)
Join on Whatsapp 1 2