کراچی میں بے خوف ڈاکوؤں کی مساجد میں بھی لوٹ مار شروع
Apr 14 2024 | ویب ڈیسک
کراچی میں قانون سے بے خوف ڈاکوؤں نے شہریوں، دکانوں اور گھروں کے بعد اب مساجد میں گھس کر لوٹ مار کرنی شروع کردی ہے۔
کراچی کے علاقے کریم آباد میں قائم جامع مسجد فیضان عطار میں گھس کر ایک ڈاکو نے مؤذن اور خادم سمیت 3 افراد کو اسلحے کے زور پر لوٹ لیا۔
واقعے کی فوٹیج بھی سوشل میڈیا پر وائرل ہوگئی جس میں دیکھا جا سکتا ہے کہ 12 اپریل بروز جمعہ کی شب ساڑھے نو بجے کے قریب پینٹ شرٹ میں ملبوس ایک ڈاکو مسجد داخل ہوتا ہے۔
ڈاکو انتہائی دیدہ دلیری کے ساتھ وہاں پر موجود مؤذن اور خادم سمیت 3 افراد کو اسلحے کے زور یرغمال بنا کر ان کی تلاشی کے دوران جیبوں سے نقدی اور موبائل فون چھین لیتا ہے اور پھر تینوں افراد کو سیڑھیوں پر جانے کا بول کر انتہائی اطمینان سے موقع سے فرار ہوجاتا ہے۔
Views= (424)
Join on Whatsapp 1 2