27 سالہ نوجوان شرط جیت کرزندگی کی بازی ہار گیا
Apr 14 2024 | ویب ڈیسک
عارف والا کے نواحی گاؤں 75 ای بی میں 27 سالہ نوجوان شرط جیت گیا مگر زندگی کی بازی ہار گیا۔
مرتضیٰ نامی نوجوان نے پچاس ہزار کے عوض دوستوں سے ایک لیٹر ڈیزل پینے کی شرط لگائی تھی۔
نوجوان نے ایک لیٹر ڈیزل پی کر شرط جیت لی مگر ڈیزل پینے کے بعد اس کی حالت بگڑ گئی۔
حالت بگڑنے پر نوجوان کو فوری طور پر اسپتال منتقل کردیا گیا لیکن وہ جانبر نہ ہوسکا۔
پولیس کا کہنا ہے کہ فی الحال واقعے کی تفتیش میں مصروف ہیں۔
دوسری جانب نوجوان کی ہلاکت پر اہل خانہ غم سے نڈھال ہیں۔ مرحوم چار بچوں کا باپ اور ٹرک ڈرائیوری کا کام کرتا تھا۔
ایس ایچ او تھانہ صدر کا کہنا ہے کہ مرحوم کے ورثاء قانونی چارہ جوئی کے لیے رابطہ کریں گے تو کارروائی عمل میں لائی جائے گی۔
Views= (432)
Join on Whatsapp 1 2