دوران پرواز غیر اخلاقی حرکات،مسافر جوڑے پر برس پڑے
Apr 14 2024 | ویب ڈیسک
سوشل میڈیا پر صارفین اپنے ساتھ پیش آئے واقعات اور تجربات دیگر صارفین کے ساتھ شئیر کرتے رہتے ہیں، کچھ عجیب و غریب ہوتے ہیں جبکہ کچھ دلچسپ بھی۔ تاہم ایک ایسا ہی تجربہ صارف نے دوران پرواز کیا ہے۔
ایکس پر ایک صارف کی جانب سے تصاویر اپلوڈ کی گئی تھیں، جس میں منظر نامے میں ایک مسافر طیارے کا اندرونی منظر بخوبی دیکھا جا سکتا ہے۔
جبکہ ساتھ ہی مسافر طیارے کی سیٹوں پر مسافر تو نظر نہیں آ رہے تھے البتہ 2 مسافر لیٹے ہوئے ضرور دکھائی دیے۔
جس پر صارف نے تجربہ شئیر کرتے ہوئے بتایا کہ میں یقین نہیں کر سکتا ہوں، کہ میں نے یہ سب طیارے میں دیکھا ہے۔
تصاویر شئیر کرتے ہوئے صارف نے مزید لکھا کہ یہ سب کچھ 4 گھنٹے کی فلائٹ میں پورے وقت چلتا رہا۔
جوڑا تین سیٹوں پر ایک ساتھ لیٹا ہوا تھا جبکہ آرام کا یہ طریقہ دیگر مسافروں کو ضرور حیران کر رہا تھا۔
نہ صرف یہ صارف بلکہ جہاز میں موجود دیگر مسافر بھی اس صورتحال کو دیکھ کر حیرانگی کا اظہار کرتے دکھائی دیے، جبکہ صارفین کی جانب سے بھی ردعمل سامنے آیا ہے۔
ایک صارف نے لکھا کہ خاتون کے پاؤں میں جرابے نہیں ہیں، آپ سوچیں کیا صورتحال ہوگی، جہاں ہوا کا عمل دخل بھی نہ ہو۔
اسی طرح ایک صارف نے تنقید کرتے ہوئے کہا کہ مجھے اس قسم کے جوڑوں سے شدید نفرت ہے۔
جبکہ ایک صارف نے سوال کرتے ہوئے اظہار خیال کیا کہ مجھے یہ آرٹیفیشل انٹیلی جنس سے بنی تصویر کیوں لگ رہی ہے؟
Views= (1601)
Join on Whatsapp 1 2