جی سی یونیورسٹی کی طالبہ نے اسسٹنٹ پروفیسر کو فائلوں سے مارا، بال بھی نوچ ڈالے
Mar 21 2024 | ویب ڈیسک
گورنمنٹ کالج یونیورسٹی لاہور میں ایک طالبہ کو پروفیسر کی جانب سے ہراساں کرنے کا مبینہ واقعہ پیش آیا ہے، جس پر طالبہ کے شدید رد عمل کی ویڈیو بھی سامنے آ گئی ہے۔
تفصیلات کے مطابق ایک ویڈیو سامنے آئی ہے جس میں جی سی یونیورسٹی کی ایک طالبہ نے اسسٹنٹ پروفیسر پر حملہ کر کے ان کے بال نوچ ڈالے۔
طالبہ نے میز پر پڑی فائلیں اٹھا کر اسسٹنٹ پروفیسر ڈاکٹر محمد محبوب احمد کو دے ماریں، واقعے کے وقت آفس میں دیگر خواتین بھی موجود تھیں، جن میں سے ایک نے ویڈیو بنائی۔
وائس چانسلر جی سی یونیورسٹی نے واقعے پر فوری نوٹس لے لیا ہے اور تحقیقات کے لیے کمیٹی قائم کر دی، ترجمان جی سی یونیورسٹی نے ایک بیان میں کہا کہ تحقیقاتی کمیٹی جلد ذمہ داران کا تعین کرے گی اور قصوروار کے خلاف میرٹ پر کارروائی کی جائے گی۔
Views= (655)
Join on Whatsapp 1 2