دو روز قبل لاپتہ ہونے والی 13 سالہ گھریلو ملازمہ بازیاب، ملزم گرفتار
Sep 17 2023 |
سراغ سی سی ٹی فوٹیجز کی مدد سے ملا
ڈیفنس پولیس نے سی سی ٹی وی فوٹیج کی مدد سے کارروائی کرکے دو روز قبل لاپتہ ہونے والی 13 سالہ لڑکی کو بازیاب کرلیا، اور واقعے میں ملوث ملزم گرفتار کرلیا۔
وجیہہ نامی 13 سالہ لڑکی کراچی کے علاقے ڈیفنس فیز 2 میں واقع ایک گھر میں گھریلو ملازمہ کے طور پر کام کرتی تھی، جو دو روز قبل گھر سے کام پر جانے کے لیے نکلی لیکن کام پر نہ پہنچی۔
لڑکی کی والدہ نے 15 پر پولیس کو لڑکی کی گمشدگی کی اطلاع دی، جس پر پولیس نے واقعے کا مقدمہ درج کر کے گمشدہ لڑکی کی تلاش شروع کر دی۔
پولیس حکام کے مطابق سی سی ٹی فوٹیجز اور ٹیکنیکل ذرائع کا استعمال کرتے ہوئے لڑکی وجیہہ کو بازیاب کر کے اغوا میں ملوث ملزم شایان ولد اعجاز گرفتار کرلیا گیا ہے۔
حکام نے بتایا کہ لڑکی وجیہہ کو اس کے والدین کے حوالے کردیا گیا ہے، جب کہ گرفتار ملزم کے خلاف مقدمہ درج کرکے کیس کی مزید تفتیش کی جا رہی ہے۔
Views= (1039)
Join on Whatsapp 1 2