جعلی افسر بن کر لڑکی سے 62 لاکھ روپے ہتھیانے والا ملزم گرفتار

ملزم نے لڑکی کو ہوس کا نشانہ بنایا اور نازیبا ویڈیوز بھی بنائیں

لاہور پولیس نے حساس ادارے کا افسر بن کر لڑکی سے زیادتی کرنے اور اسے بلیک میل کر کے 62 لاکھ روپے ہتھیانے والے ملزم کو گرفتار کرلیا۔
لاہور کے علاقے اقبال ٹاؤن میں ملزم نے حساس ادارے کا افسر بن کر لڑکی کو بلیک میل کر کے 62 لاکھ روپے ہتھیا لیے۔
پولیس کے مطابق لڑکی کی چار ماہ قبل شفاعت یاسین سے فون پر دوستی ہوئی، اور ملزم نے لڑکی کوبتایا کہ وہ حساس ادارے کا افسر ہے۔
حکام نے بتایا کہ ملزم نے لڑکی کو اپنی خالہ سے ملوانے کا جھانسہ دے کر ایک فلیٹ میں لے گیا، جہاں اس نے اسے جنسی درندگی کا نشانہ بنایا، اور ویڈیوز بھی بنالیں۔
پولیس حکام کے مطابق ملزم نے لڑکی کو فحش ویڈیو اور تصاویر کے ذریعے بلیک میل کرنا شروع کردیا اور وقفے وقفے سے لڑکی سے 62 لاکھ ہتھیا لیے۔
پولیس نے متاثرہ لڑکی کی مدعیت میں مقدمہ درج کر لیا، اور ملزم شفاعت یاسین کو گرفتار کرلیا۔

Views= (331)

Join on Whatsapp 1 2

تازہ ترین