سوئٹزرلینڈ کی فضائی کمپنی کے عملہ کی جہاز کے پروں پر ڈانس کی ویڈیو وائرل
Aug 31 2023 | ویب ڈیسک
سوئٹزرلینڈ کی فضائی کمپنی کے طیارے کے ونگ پر کیبن کریو کے ڈانس کی ویڈیو سوشل میڈیا پر وائرل ہوگئی۔
سوئس انٹرنیشنل ایئر لائنز کے طیارے بوئنگ 777 کے کیبن کریو ممبران کی جہاز کے ونگ پر ڈانس کرنے کی ویڈیو سوشل میڈیا پر وائرل ہوئی جس پر انہیں تحقیقات کا سامنا ہے۔
ویڈیو میں دیکھا جا سکتا ہے کہ جہاز کے عملے نے باری باری جہاز کے پَر پر ڈانس کیا اور تصویریں کھینچوائیں۔
غیرملکی میڈیا کے مطابق سوئس ایئر لائن کے کیبن کریو ممبران کے غیر سنجیدہ اقدام کا نوٹس لے کر ایئرلائن کمپنی کے مالکان کی جانب سے تحقیقات شروع کردی گئی ہیں۔
یہ ویڈیو اسی ماہ ریکارڈ کی گئی ہے جس کے بعد ایئر لائن کی منیجمنٹ نے اس پر شدید غصے کا اظہار کیا۔
اس معاملے پر ایئرلائن کی جانب سے کہا گیا ہے کہ اس طرح کی حرکت بالکل بھی برداشت نہیں کی جائے گی اور یہ ویڈیو بہت خطرناک ہے۔
رپورٹس کے مطابق کیبن کریو ممبران کی اس حرکت کی ویڈیو ایئرپورٹ پر انتظار کرتے ایک مسافر نے ریکارڈ کی تھی۔
Views= (413)
Join on Whatsapp 1 2