کیا لوگ چیونٹیاں ہیں؟ ہانیہ عامر کا سوال
May 15 2023 | ویب ڈیسک
یہ جملہ عمران خان نے اپنے خطاب میں بولا تھا
اداکارہ ہانیہ عامر کی عمران خان کے بیان پر مبنی پوسٹ سوشل میڈیا پر وائرل ہوگئی ۔
پاکستان تحریک انصاف (پی ٹی آئی) کے چئیرمین عمران خان نے رہائی کے بعد اسلام آباد میں اپنی رہائش گاہ بنی گالہ سے پہلے خطاب میں کہا تھا کہ فوج کو لوگ پسند کرتے تھے،
جب کہ ایک آرمی چیف نے میری کمر میں تو چاقو مارا اور پاکستان کے بدنام ترین مجرموں کو لاکر اوپر بٹھا دیا، تو مجھے بتائیں میری وجہ سے فوج کو برا بھلا کہا گیا یا اس آدمی کی وجہ سے، اس نے کیا سمجھا کہ لوگ ”چونٹیاں“ ہیں، کیا لوگوں میں عقل نہیں ہے، کیا لوگ بیوقوف ہیں کہ جدھر آپ لگائیں گے لگ جائیں گے۔
تاہم جوش خطابت میں ان کا کہا گیا یہ جملہ کہ ’کیا لوگ چیونٹیاں ہیں ؟ ’ سوشل میڈیا پر وائرل ہوگیا ۔
پاکستانی شوبز انڈسٹری کی اداکارہ ہانیہ عامر نے بھی ایک انسٹاگرام پوسٹ شیئر کرتے ہوئے اپنے مداحوں سے یہی سوال کیا کہ ’کیا لوگ چیونٹیاں ہیں ؟ ’۔
ہانیہ نے ایک پوسٹ کی جس میں صرف ان کی تصویر ہے اور پیچھے عمران خان کے خطاب کا یہ جملہ سنا جاسکتا ہے ۔
اداکارہ کی پوسٹ پر اداکار فیصان شیخ نے تبصرہ کرتے ہوئے لکھا کہ یہ بات صرف خان صاحب کی بتاسکتے ہیں ۔
Views= (460)
Join on Whatsapp 1 2