بندر کا بچہ موت کے منہ سے کیسے بچا؟ دردناک ویڈیو وائرل
May 9 2023 | ویب ڈیسک
بندر کا ننھا سا بچہ جال میں پھنس کر تکلیف کی شدت سے تڑپ رہا تھا، جسے ایک دردمند شخص نے موت کے منہ میں جانے سے بچا لیا، ویڈیو کو 70 لاکھ سے زائد صارفین نے دیکھا۔
ماہی گیروں کی جانب سے مچھلیوں کو پکڑنے کیلئے پھینکے جانے والے جال میں دیگر جانور بھی آجاتے ہیں، جس میں بری پھنس کر جانور دردناک انداز میں موت کے منہ میں چلے جاتے ہیں۔
ایک ایسے ہی واقعہ کی ویڈیو سوشل میڈیا پر وائرل ہورہی ہے کہ جس ایک دردمند انسان نے بندر کے بچے کی جان بچالی۔
بندر کا چھوٹا سا بچہ جال میں پھنس کر زخمی ہوگیا تھا اور درد سے تڑپ رہا تھا، جسے بہت احتیاط سے جال سے نکالا گیا۔
سوشل میڈیا پر ایسی کئی ویڈیوز دیکھنے کو ملتی ہیں، جنہیں دیکھنے کے بعد ہم بہت جذباتی ہو جاتے ہیں۔ حال ہی میں سوشل میڈیا پر ایک بہت ہی دل کو چھو لینے والی ویڈیو وائرل ہو رہی ہے۔
اس ویڈیو میں دیکھا جا سکتا ہے کہ بندر کا ایک چھوٹا بچہ جال میں پھنس گیا۔ وہ درد سے کراہ رہا تھا۔ ایسے میں ایک شخص اسے گود میں لے کر اسے بچانے کی کوشش کر رہا ہے۔
اس جذباتی ویڈیو کو سوشل میڈیا پر لوگوں نے بے حد پسند کیا ہے۔ اس ویڈیو کو دیکھنے کے بعد لوگ تبصرے کر رہے ہیں اور کمنٹس میں لکھ رہے ہیں کہ انسانیت ابھی زندہ ہے۔
ٹوئٹر پر اس وائرل ویڈیو کو 70 لاکھ سے زیادہ ویوز مل چکے ہیں، ساتھ ہی اس ویڈیو پر 1 لاکھ سے زیادہ لائکس ہیں۔ جبکہ وائرل ہونے والی اس ویڈیو کو 14 ہزار سے زیادہ ری ٹویٹس مل چکے ہیں۔
ایک صارف نے تبصرہ کرتے ہوئے لکھا کہ بہت پیاری ویڈیو۔ایک اور صارف کا کہنا تھا کہ ایسے لوگ انسانیت کو بچا رہے ہیں۔ ایک طرف لوگ جانوروں کو یرغمال بنا کر پریشان کر رہے ہیں تو دوسری طرف کچھ لوگ شفقت سے ان کی دیکھ بھال بھی کر رہے ہیں۔
Views= (1895)
Join on Whatsapp 1 2