کراچی سے فرار ہوکر پسند کی شادی کرنے والی دعا زہرہ کے نکاح کی ویڈیو وائرل

کراچی سے فرار ہوکر لاہور پہنچ کر ظہیر احمد سے پسند کی شادی کرنے والی دعا زہرہ کے نکاح کی ویڈیو وائرل ہوگئی۔
دونوں کے نکاح کی وائرل ہونے والی ویڈیو میں انہیں نکاح خواں کے سامنے ایک دوسرے کو قبول قبول کرتے ہوئے دیکھا اور سنا جا سکتا ہے۔
مختصر ویڈیو میں دوسرے لوگ دکھائی نہیں دیتے، تاہم نکاح خواں کی آواز صاف سنائی دیتی ہے۔
ویڈیو میں دعا زہرہ اور ظہیر احمد خوش دکھائی دیتے ہیں اور عندیہ ملتا ہے کہ دونوں کسی بھی زبردستی کے بغیر مرضی سے نکاح کر رہے ہیں۔
مختصر ویڈیو میں دعا زہرہ اور ظہیر احمد کو ایک دوسرے کو قبول کرتے ہوئے سنا اور دیکھا جا سکتا ہے۔
ویڈیو سے معلوم ہوتا ہے کہ ظہیر احمد نے نکاح میں 50 ہزار روپے حق مہر بھی ادا کیا۔

دونوں کے نکاح کی ویڈیو ایک ایسے وقت میں وائرل ہوئی ہے جب کہ حال ہی میں دعا زہرہ کی عمر کے حوالے سے میڈیکل بورڈ کی نئی رپورٹ سامنے آئی تھی۔
کراچی کے ڈاؤ میڈیکل کالج کی جانب سے مقامی عدالت کے حکم پر کیے جانے والے نئے معائنے میں دعا زہرہ کی زیادہ سے زیادہ عمر 15 سے 16 سال بتائی گئی تھی۔
اس سے قبل دعا زہرہ کے لیے قائم کیے گئے بورڈ نے ان کی عمر 17 سال تک بتائی تھی، جس پر سندھ ہائی کورٹ نے اسے اپنی مرضی کے مطابق زندگی گزارنے کا حق دیا تھا اور وہ شوہر ظہیر احمد کے پاس چلی گئی تھیں۔

Views= (518)

گروپ جائن کرنے کے لیے کلک کریں (NewsHook) /#/ (NewsHook-2)

اہم خبریں/ تازہ ترین