ڈونلڈٹرمپ کی سوشل میڈیا ایپ نے ٹوئٹر اور ٹک ٹاک کو پیچھے چھوڑ دیا

سابق امریکی صدر ڈونلڈ ٹرمپ کی سوشل میڈیا ایپ ’ ٹروتھ سوشل‘ نے ٹوئٹر اور ٹک ٹاک کو پیچھے چھوڑ دیا۔
ایک برس قبل ڈونلڈ ٹرمپ پر تمام بڑے سوشل میڈیا پلیٹ فارمز کی جانب سے پابندی عائد کی گئی تھی تو سابق امریکی صدر نے اپنا سوشل میڈیا پلیٹ فارم شروع کرنے کا فیصلہ کیا تھا۔
ڈونلڈ ٹرمپ نے ’ٹرتھ سوشل‘ کے نام سے ایک ایپلی کیشن متعارف کرائی تھی۔
گزشتہ روزامریکا کے سابق صدر ڈونلڈ ٹرمپ نے کہا تھا کہ ٹوئٹر پر واپس آنے کا کوئی ارادہ نہیں چاہے ایلون مسک تاحیات پابندی ہٹا بھی دیں۔
امریکی میڈیا سے بات کرتے ہوئے ڈونلڈ ٹرمپ نے یہ بھی کہا کہ اگلے ہفتے سے میں اپنا ’ٹرتھ سوشل پلیٹ فارم‘ استعمال کرنا شروع کردوں گا۔
دنیا کے امیر ترین شخص ایلن مسک نے ٹوئٹر پر ایک تصویر شیئر کی جس میں دیکھا جا سکتا ہے کہ ایپل اسٹور پر ٹروتھ سوشل نے ٹوئٹر اور ٹک ٹاک کو ڈاؤن لوڈنگ میں پیچھے چھوڑ دیا ہے۔

Views= (175)

گروپ جائن کرنے کے لیے کلک کریں (NewsHook) /#/ (NewsHook-2)

اہم خبریں/ تازہ ترین