بچہ ضائع نہیں ہوا، زارا نے بچے کو جنم دیا، اپنے ہاتھوں سے اس کی تدفین کی

شوبز انڈسٹری کی معروف اداکار جوڑی اسد صدیقی اور زارا نور عباس کچھ عرصہ قبل اپنی زندگی کے مشکل ترین وقت سے گزرے۔
اسد صدیقی نے حال ہی میں ایک ویب شو میں انٹرویو کے دوران انکشاف کیا کہ ان کے ہاں بچے کی پیدائش قبل از وقت ہوگئی تھی جس کے بعد بچہ زیادہ عرصہ زندہ نہ رہ سکا اور انتقال کرگیا۔
اسد صدیقی نے بتایا کہ ہمارا بچہ ضائع (مس کیرج) نہیں ہوا بلکہ زارا نے ایک بیٹے کو جنم دیا تھا جس کا نام ہم نے 'اورنگزیب' رکھا تھا، شروعات میں چیزیں کافی اچھی تھیں لیکن بعد میں کچھ پیچیدگیاں ہوئیں اور ہم نے اللہ کی مرضی سے اپنے بچے کو کھو دیا۔
اداکار نے بتایا کہ بچے کی پیدائش پانچویں یا چھٹے ماہ میں ہوئی تھی جس کی میں نے خود اپنے ہاتھوں سے تدفین کی تھی۔
اسد صدیقی کا کہنا تھا کہ اس سانحہ کے بعد زارا کی حالت کافی خراب ہوگئی تھی، مجھے لگتا ہے کہ یہ چیز مرد سے زیادہ عورت کو متاثر کرتی ہے کیونکہ عورت کے اندر ایک جان ہوتی ہے اور پھر عورت کے جسم میں تبدیلیاں بھی رونما ہو رہی ہوتی ہیں۔
'اللہ تعالیٰ نے ایسے ہی عورت کو اتنا بڑا مقام نہیں دیا'
دورانِ انٹرویو انہوں نے کہا کہ اللہ تعالیٰ نے ایسے ہی عورت کو اتنا بڑا مقام نہیں دیا، یہ وقت ہمارے لیے خاصہ مشکل تھا لیکن میرا ماننا ہے کہ ہر کام میں اللہ کی کوئی نا کوئی مصلحت ہوتی ہے۔
اسد نے کہا کہ اس واقعہ پر مجھے افسوس ہے لیکن آپ کا دکھ اس وقت ختم ہوجاتا ہے جب آپ یہ سوچ لیتے ہیں کہ اوپر کوئی ذات ہے جو آپ کے معاملات دیکھ رہی ہے، وہ اس سے بہتر عطا کرے گی جو آپ سے لیا گیا ہے۔

Views= (85)

گروپ جائن کرنے کے لیے کلک کریں (NewsHook) /#/ (NewsHook-2)

اہم خبریں/ تازہ ترین