چڑیا نے ہوشیار پولیس کو ’’بے وقوف‘‘ بنا دیا، حیرت انگیز ویڈیو

Apr 20 2024 | ویب ڈیسک

چڑیا ایک چھوٹا مگر خوبصورت پرندہ ہے لیکن اس ننھی سی چڑیا نے پولیس افسران کو کیسے چکمہ دے کر بیوقوف بنایا ویڈیو دیکھ کر آپ بھی حیران رہ جائیں گے۔
چڑیا ایک چھوٹا مگر خوبصورت پرندہ ہے جس کی دنیا میں سینکڑوں اقسام ہیں۔ چڑیوں کی خاص بات ان کی چہچہاہٹ اور مسحور کن آواز ہے جس کو سن کر اکثر سحر میں مبتلا ہو جاتے ہیں لیکن امریکا میں ایک ننھی چڑیا نے اپنی آواز کے جادو سے ہوشیار پولیس افسران کو ہی بے وقوف بنا ڈالا جس کی ویڈیو سوشل میڈیا پر بھی وائرل ہو گئی۔
اس منفرد چڑیا کا ایک درخت پر گھونسلا تھا جہاں سے اس نے پولیس سائرن کی آواز نکال کر پولیس کو ہی پریشان کر ڈالا۔
غیر ملکی میڈیا کے مطابق یہ حیرت انگیز واقعہ برطانیہ کی ایک کاؤنٹی میں پیش آیا جہاں پولیس اسٹیشن کے قریب پولیس اہلکاروں کو اچانک سائرن کی آواز سنائی دی۔
پولییس افسران سمجھے کہ شاید اسٹیشن کے باہر کھڑی گاڑی میں کوئی خرابی پیدا ہو گئی ہے جس کہ وجہ سے خودبخود سائرن بج رہا ہے لیکن جب انہوں نے باہر آ کر گاڑی کو چیک کیا تو وہ بالکل صحیح حالت میں تھی۔
غیرملکی میڈیا کے مطابق اس پرندے کی آواز اور پولیس سائرن کی نقل سن کر لوگ حیرانی کا اظہار کر رہے ہیں۔
پولیس افسر نے برطانوی میڈیا کو بتایا کہ پولیس اہلکاروں کو پہلے لگا کہ پولیس اسٹیشن کے باہر کھڑی گاڑی میں خرابی پیدا ہوگئی ہے۔
غیر ملکی میڈیا کے مطابق بعد ازاں تحقیقات کرنے پر پتہ چلا کہ یہ خرابی نہیں بلکہ پرندے کی آواز ہے۔
اسی دوران پولیس کو ایک بار پھر گاڑی کے سائرن جیسی آواز سنائی دی جس کے بعد جب انہوں نے تحقیقات کیں تو اس کا کھرا قریب موجود درخت پر بنے ایک چڑیا کے گھونسلے تک جا پہنچا۔
مقامی حکام کے مطابق پولیس سائرن کی آواز نکالنے والا پرندہ بلیک برڈ تھا جس نے اس قدر مماثلت کے ساتھ سائرن کی آواز نکالی کہ پولیس بھی دھوکا کھا گئی۔
یہ ویڈیو بعد ازاں سوشل میڈیا پر بھی وائرل ہو گئی اور لوگ اس پر حیرت کے اظہار کے ساتھ دلچسپ تبصرے بھی کر رہے ہیں۔